Ќе се бара соодветен термин за попис во 2020 година
Премиерот Зоран Заев и директорот на Државниот завод за статистика Апостол Симовски следната недела ќе одржат средба на која ќе разговараат за новиот датум за спроведување на Пописот на населението, што треба да се одржи во април догодина, но ќе биде пролонгиран поради предвремените парламентарни избори.
Пописот на населението беше најавен за април 2020 година, но поради договорот од лидерската средба за предвремени избори на 12 април оваа операција не може да се одржи во првично предвидениот датум.
Прв состанок на работната група за изработка на Концепцијата за инклузивно образование
Работната група што треба да ја изработи Концепцијата за инклузивно образование, која произлезе од новиот Закон за основно образование, денеска ја одржа првата работна средба. На неа присуствуваа и министерот за образование и наука Арбер Адеми и претставничката на Канцеларијата на УНИЦЕФ во земјава, Патриција ди Џовани, кои ја потенцираа важноста на инклузијата.
Законот за основно образование кој Собранието го изгласа во јули предвидува учениците со посебни потреби да се вклучат во редовното образование и од учебната 2022-2023 година посебните училишта повеќе да не запишуваат ученици. Тие ќе прераснат во основни училишта со ресурсни центри, кои ќе помагаат за спроведување целосна инклузија во редовните училишта.
МОН: Околу 200 првачиња не следат настава зашто се невакцинирани
Денови на медиумска писменост
Под мотото „Застани, размисли, провери!“ почнувајќи од денес, па се до 15 ноември, во организација на Мрежата за медиумска писменост се одржуваат Денови на медиумска писменост. На овој начин, земјава се вклучува во одбележување на осмата Глобална недела на медиумска и информациска писменост на УНЕСКО.
Советот на етика во медиумите во рамките на Деновите на медиумска писменост, ќе организира отворена седница на Комисијата за жалби, која ќе се одржи на 25 октомври, со почеток од 11 часот, во просториите на ААВМУ, каде ќе се разгледуваат жалбите што стигнале до СЕММ, а ќе се дискутира и за начинот на поднесување жалби, работењето на Комисијата за жалби и најчестите предизвици со кои се соочува ова тело. На 29 октомври ќе организира и дебата на тема „Саморегулација во медиумите, состојби, предизвици и можности“, на Универзитетот на Југоисточна Европа во Тетово, во присуство на граѓани, претставници на граѓанскиот сектор, медиумите и институциите.
ФЛЕШ ВЕСТИ
Министерот за економија Крешник Бектеши смета дека предвремените избори ќе влијаат на економијата, но најавува дека Влада ќе почне активно да работи на забрзување на реализацијата на проектите.
Сенатот на САД го ратификува Протоколот за членство во НАТО на Северна Македонија
Основниот кривичен суд Скопје ги одби како неосновани барањата за укинување на мерката притвор на поранешната специјална јавна обвинителка Катица Јанева и на Бојан Јовановски – Боки 13, осомничени во случајот „Рекет“
Еко Герила: Општините често не постапуваат по пријавите на граѓаните за еколошка несовесност
Нов закон за материјално обезбедување на невработените лица поради приватизацијата на претпријатијата со доминантна сопственост на државата или „стечајци“ кој треба да овозможи право на надомест од државата да остварат уште околу 1.000 стечајни работници, разгледуваа денеска пратениците на пленарна седница.
ЦИВИЛНИ АКТИВНОСТИ
ЦИВИЛ: Ако се неизбежни, предвремените избори треба да се одржат во декември, „пржинска“ влада е апсурдна опција
Дали се потребни предвремени парламентарни избори? Дали „брзи избори“ значат чекање од половина година? Со кои проблеми се соочува изборниот систем? Имаат ли институциите капацитет да спроведат квалитетен изборен процес, со максимално почитување на правото на глас? Има ли време да се направат измени во Изборниот законик со кои ќе се подобри изборниот процес? Кои се основните прашања во врска со финансирањето на политичките партии во изборен контекст? Колку е оправдана „Пржинска“ влада во овие услови?, беа прашањата што на денешната прес конференција за одлуката за предвремени парламентарни избори ЦИВИЛ даде одговор.
Бачовска: Исполитизираното општество и неказнивоста е причина за говорот на омраза!
„За едно високо исполитизирано општество како нашето, општество во транзиција кое е полно со проблеми од секаква природа, дали од економска, политичка, меѓуетнички тензии, може да кажеме дека дури и нормално е да има вакви појави како што се нетолеранција и говор на омраза. Ситуацијата е уште полоша кога во денешно време на социјалните мрежи секој може сè да каже без никаква одговорност“, вели професорката Јасна Бачовска Недиќ, на прашањето на ЦИВИЛ Медиа, каде има најчесто говор на омраза.
МИСЛА
Од корнер, Зоран Иванов: На апашите Макрон им создаде супер амбиент, на македонската правда и`направи супер вакуум.
Биљана Јордановска
во соработка со: Ангела Петровска, Дехран Муратов, Ариан Мехмети, Зоран Иванов
