ВЕСТ НА ДЕНОТ
Дерала добитник на Наградата за солидарност за новинари од Југоисточна Европа
Германската Фондација Југоисточна Европа денеска ќе одржи церемонија за доделување на годишната награда за новинари за 2024 година, чиј добитник е нашиот колега Џабир Дерала.
Церемонијата за доделување на наградата ќе се одржи во германскиот парламент во присуство на претставници од парламентот, владата, медиумите и граѓанското општество.
Церемонијата ќе започне во 18 часот со поздравниот говор на Мануел Саразин, претседател на Асоцијацијата на Југоисточна Европа и обраќањето на Јосип Јуратовиќ, претседател на германско-југоисточна парламентарна група на Европа, заменик-претседател на Асосијацијата на Југоисточна Европа, по што ќе му се додели наградата на Дерала.
ИЗЈАВА НА ДЕНОТ
„Ќе има вработени Роми во сите институции и министерства, но не како метлачи и чистачи, туку ќе бидат во институциите на системот во органите на државната управа“, вели Шабан Салиу, министер без ресор, одговорен за интеграција и имплементација на Декадата на Ромите, во интервју за ЦИВИЛ Медиа.
„Веќе договоривме да имаме 4 директори“, вели тој.
„Очекувам да има социјални станови кои нема да се делат како до сега, кој, кого имаше пријател, и излезе дека Ромите се најбогати во тој случај. Од 500 стана, еден или двајца Роми ќе добиеја социјални станови. Се знае дека во државата Ромите се најсиромашни од сиромашните и не треба некој да ни дава подароци“, вели Салиу.
РЕГИОН
Владата на Р.Србија синоќа соопшти дека со помош на вештачка интелигенција создадена е непостоечка изјава на премиерот Милош Вучевиќ каде што е злоупотребен неговиот лик, додека со генериран глас се соопштени податоци за непостоечки владини проекти. Министерството за внатрешни работи, односно полициските службеници на техничката управа на СБПВТК, стапиле во контакт со компанијата Мета со цел да се отстранат објавите и да се достават податоци за администраторот на сметката.
СВЕТ
Израел и Хамас се чини дека се пред почеток на рамковен договор за договор за прекин на огнот и ослободување заложници, изјави израелски извор запознаен со преговорите. Израелските власти веруваат дека најновиот одговор на Хамас ќе им овозможи на двете страни да влезат во детални преговори за да постигнат договор, рече изворот, пренесе Си-Ен-Ен.
Д. Муратов
