ВЕСТ НА ДЕНОТ
Кривична за 11 лица, меѓу кои Капушевски, Јахоски и бегалецот Ковачевски, полицијата пронајде пиштоли, муниција, телефони, возила
Министерството за внатрешни работи до Основното јавно обвинителство за гонење организиран криминал поднесе кривична пријава за Капушевски и Асмир Јахоски и уште против 11 лица кои се сомничат за сомнителна набавка на деривати. Едно лице е во бегство и едно лице е во притвор, а при претресите пронајдена е и одземена документација, пет мобилни телефони, околу 1.500 парчиња муниција од различен калибар, два пиштоли и три патнички моторни возила.
ИЗЈАВА НА ДЕНОТ
Чачарова Илиевска: Интерпелација на член на Судски совет е недозволен и противуставен акт
„Мојот став е, тврдам дека сум во право, дека интерпелација на член на Судски совет е недозволена и противуставен акт. Гледам во интерпелацијата подносителите на истата се повикуваат, а и по медиуми постојано тоа го слушаме, на нивното уставно загарантирано право да поднесуваат интерпелација, во смисла на член 72 од Уставот на Република Северна Македонија. Меѓутоа, одредбата од членот 68, став 1, алинеја 15, има поинакво уставно решение.
Таму стои дека интерпелација може да биде поднесена спрема секој носител на јавна функција којшто одговара пред Собранието, изјави членот на Судскиот совет Тања Чачарова – Илиевска, по денешната редовна седница на Советот.
РЕГИОН
Српските студенти ги блокираа влезовите на РТС и РТВ во блокада што ќе трае 22 часа
Повеќе од седум часа трае блокадата во Белград на влезовите на зградата на државната радио-телевизија РТС што ја почна синоќа од студентите во блокада кои најавија дека ќе трае 22 часа. Вработените во Радио телевизија на Србија можат да си заминат, но ќе бидат спречени да влезат во зградата, најавија демонстрантите.
СВЕТ
Сириската привремена влада постигна историски договор за интегрирање на курдската заедница
Сириската привремена влада соопшти дека постигнала историски договор со Сириските демократски сили (SDF) предводени од Курдите за интегрирање на групата во државните институции.
Привремениот претседател Ахмад ал Шара го објави договорот во понеделникот, велејќи дека тој има за цел „да ги обезбеди правата на сите Сиријци во застапеност и учество во политичкиот процес и на сите државни институции врз основа на компетентност, без оглед на нивното религиозно и етничко потекло“.
ФОРУМ
ПРАШАЊЕ НА ДЕНОТ: Дали говорот на омраза на социјалните мрежи е насилство или слобода на говор
ДЕМОКРАТИЈА
Леконт: На крајот, „чекс енд балансес“ ќе имаат поголема ефикасност од авторитарните режими
Краске: Научени лекции од грешките на Западните земји за сегашната состојба на Украина
Ресман: Она што се случува со администрацијата на Трамп е можност Европа да се обедини и да стане новиот дом на демократијата и човековите права во светот
Подготви: Д. Тахири
