Сириската привремена влада соопшти дека постигнала историски договор со Сириските демократски сили (SDF) предводени од Курдите за интегрирање на групата во државните институции, објави Си-ен-ен, пренесува ЦИВИЛ Медиа.
Привремениот претседател Ахмад ал Шара го објави договорот во понеделникот, велејќи дека тој има за цел „да ги обезбеди правата на сите Сиријци во застапеност и учество во политичкиот процес и на сите државни институции врз основа на компетентност, без оглед на нивното религиозно и етничко потекло“.
Договорот, исто така, ќе ја признае сириската курдска заедница како составен дел на државата, од кои на десетици илјади претходно им беше одбиено државјанството под децениското владеење на режимот на Асад.
„Сметаме дека овој договор е вистинска можност за изградба на нова Сирија која ги опфаќа сите нејзини компоненти и обезбедува добрососедство“, рече генералниот командант на СДФ Мазлум Абди во изјавата за X.
Договорот е еден од најголемите случувања во земјата откако бунтовничката алијанса предводена од Шара го собори поранешниот претседател Башар ал Асад во декември.
Со интегрирање на курдската заедница, таа се надева дека ќе се заштити од можноста за понатамошни секташки судири во земјата, која претрпе повеќе од една деценија граѓанска војна пред падот на Асад.
Толпата се собра низ сириските градови Алепо, Хомс, Хама, Тартус, Деир Езор и Хасака за да го прослават договорот. Огнометот го осветли небото над знаменитоста Цитадела Алепо во раните утрински часови во вторникот.
Д. Мишев
