ВЕСТ НА ДЕНОТ
Нема вонредни избори во Аеродром, Сарај и Гостивар, пратениците на ВМРО-ДПМНЕ, „ВЛЕН“ и „Европски фронт“ ги изгласаа измените на Законот за локална самоуправа
Собранието со 83 гласа „за“ и 17 „против“ денеска го усвои Законот за изменување и дополнување на Законот за локалната самоуправа, по скратена постапка. Со измените се предвидува вршителот на должност градоначалник во општините каде по сила на закон им престанал мандатот на избраните градоначалници да можат да ја извршуваат оваа функција до изборот на нов прв човек на општината. По парламентарните избори во земјата и изборот на министри и пратеници, в.д градоначалници има во општините Аеродром, Гостивар и Сарај.
Пратеникот од ДУИ, Блерим Беџети, на денешната седница истакна дека причината поради која Европскиот фронт ќе ги поддржи измените се да не ги малтретираат граѓаните да гласаат и да не се трошат дополнителни средства.
ИЗЈАВА НА ДЕНОТ
Мицкоски до Снопче од ВЛЕН: „Нека му е со среќа“ напуштањето на владината коалиција доколку се донесе Законот за бранители
По изјавата на Халил Снопче, заменик претседател на „ВЛЕН“ дека ќе излезат од владината коалиција доколку се изгласа Законот за бранители, денеска премиерот Христијан Мицкоски на новинарско прашање, како планира ова да го реши, кусо одговори „Нека му е со среќа“.
Премиерот беше и со идентичен одговор и на прашањето за вчерашната изјава на лидерот на опозициската ДУИ, Али Ахмети, кој најавил протести и реагирал за укинување на балансерот.
– Исто така и на него имам да му порачам добро здравје и нека му е со среќа, изјави Мицкоски.
РЕГИОН
Стано: ЕУ го повторува повикот за кривично гонење на одговорните за Бањска
Портпаролот на ЕУ, Петер Стано, изјави денеска, една година од конфликтот во Бањска во кој загинаа тројца локални Срби и еден член на косовската полиција, дека ЕУ го повторува својот повик за брзо кривично гонење на сите одговорни и посочи дека судот мора да одлучи кој е виновен, а кој не е врз основа на доказите.
СВЕТ
Почна Генералното собрание на ОН, Сиљановска Давкова ќе учествува на Годишниот состанок на Платформата на жени – лидери
Во Њујорк денеска во 9 часот започнува Генералната дебата на 79. Генерално собрание на Обединетите нации, на која ќе учествува и македонската делегација предводена од претседателката Гордана Сиљановска Давкова. Темата на годинешново собрание е „Не оставајќи никого зад себе: дејствувајќи заедно за унапредување на мирот, одржливиот развој и човечкото достоинство за сегашните и идните генерации“.
ПРАШАЊЕ НА ДЕНОТ: Со кои проблеми се соочуваат студентите на почетокот на академската година
Зголемување на цените кои ги плаќаат студентите при упис на УКИМ, листи за прием на студентите во студентски домови, условувања од страна на професорите да купат нивни книги за да добијат потпис за редовност, можност за полагање на испит, поени, ова се само дел од проблемите со кои се соочуваат студентите на почетокот нановата академска година. Денес, ЦивилМедиа следејќи ја темата, постави прашање – Со кои проблеми се соочуваат студентите на почетокот на академската година?
СЛОБОДНА ЗОНА
„Една од мноштвото денешни вести вели дека на Македонија ѝ се подготвувало предавство, а темата сама по себе не е атрактивна“, пишува Зоран Иванов во ДОПРЕН ГЛАС, под наслов „Тешко е да се поверува дека на Македонија може да ѝ се случи поголемо актуелно предавство од предавството спрема евроинтеграциите“.
АНАЛИЗИ
Глас на Америка: Кинеското влијание во Северна Македонија – ретка тема во македонските медиуми
Кинеското присуство во Северна Македонија започнува во 2011 година, со учество во кинеската иницијатива „Појас и пат“, но, сиве овие години медиумите не се многу заинтересирани за критички поглед на тоа присуство. За ова разговаравме со новинари и експерти кои за Гласот на Америка ги изнесоа своите гледања.
Д. Муратов
