Четири лица се спасени при отстранување на урнатините од урнатите згради и од пожарите во регионот Харков, кој продолжува да биде бомбардиран од руските војници, соопшти Државна служба за вонредни состојби (СЕС), пренесува Киевска правда.
Според СЕС: „Севкупно, работниците на украинската служба за итни случаи присуствуваа на 33 локации за да ги изгаснат пожарите и да ги расчистат урнатините од уништените згради во текот на денот. Четири лица беа спасени од пожарите и за време на расчистувањето на урнатините“.
Во текот на изминатите 24 часа, работниците од службата за итни случаи извршија операции за пребарување и спасување и ги расчистија урнатините во населбите Киевски, Шевченковски и Немишлјански во Харков, како и во областа Харков во регионот.
Единиците на СЕС гаснат пожари во високи станбени згради, комерцијални објекти и други цивилни инфраструктурни згради.
Техничарите за уништување бомби присуствуваа на околу 30 локации каде беа пронајдени детонирани и неексплодирани убојни средства.
Спасувачките и медицинските екипи во Украина водат секојдневна борба за спасусување на шивотите на цивилите од урнатините кои ги предизвикуваат руските бомбардирања на цивилни цели.
Предходно денес, Емине Џепар, првиот заменик министер за надворешни работи на Украина., на Твитер објави потресно видео од обидот на
украинските медицински лица да го спасат животот на малото момче кое беше затрупано под урнатините по гранатирањето од руски окупатори.
Д.М.
