Петти круг на оценка: Спречување на корупција и промовирање на интегритет кај централната власт (највисоките извршни функции) и органите за спроведување на законот, извештај на ГРЕКО за Северна Македонија упатува вкупно 23 препораки од кои 9 се однесуваат на централната власт, а 14 се однесуваат на Министерството за внатрешни работи.
Целта на овој извештај е да се оцени ефективноста на мерките усвоени од властите во државата за спречување на корупцијата и промовирање на интегритетот кај централната власт и кај органите за
спроведување на законот. Извештајот содржи критичка анализа на ситуацијата, а воедно ги идентификува можните недостатоци и дава препораки за подобрување.
Северна Македонија има 18 месеци од усвојувањето на извштајот да поднесе извештај за преземените активности по пепораките на ГРЕКО.
ГРЕКО во извештајот и препорачува централната власт да го зајакне надзорот во однос на изјавите за интереси и имот на лицата кои вршат највисоки извршни функции во владата преку обезбедување на Државната комисија за спречување на корупција (ДКСК) со човечки и финансиски ресурси, надлежности, методологии и алатки кои се соодветни за правилно и ефикасно извршување на нејзините должности да се воспостави соодветен механизам за верификација и спроведување на истраги кога е потребно и да се објавуваат резултатите, како што е најсоодветно.
Исто така, ГРЕКО препорачува да се анализира практичната примена на системот на санкции во однос на прекршувањето на правилата за судир на интереси, интегритет и анти-корупција и да се обезбеди санкциите да бидат ефективни, пропорционални и одвратувачки.
Во извештајот што се однесува до органите за спроведување на законот, ГРЕКО препорачува да се зголеми транспарентноста на полицијата со подобрување на пристапот до информации, меѓу другото, со тоа што извештаите за резултатите од нејзините активности и донесувањето одлуки полициските буџети, административната постапка, вклучително и извештаите за јавните набавки, статистичките податоци, правилници и слични информации да бидат јавно достапни, поможност он-лајн. ГРЕКО го признава универзалниот пристап до информации, со било какво ограничување кое претставува исклучок, како предмет на јасно утврдени правила и со можност за преглед/испитување.
