Турција и Чешка се последните две држави кои го ратификуваа протоколот за членство во НАТО на нашата држава.
Чешка е 21-та држава која го ратификуваше овој документ и со тоа останаа уште осум држави, кои во нивните парламенти треба да дозволат влез на Северна Македонија во НАТО-алијансата.
„Убедени сме дека пристапувањето на Северна Македонија во НАТО ќе ја зајакне целокупната стабилност и безбедност на Балканот, а во исто време и самата Алијанса“, изјави чешкиот вицепремиер Јан Хамачек на ратификацијата на Протоколот.
Шефот на турската делегација во Парламентарното собрание на НАТО, Осман Ашкин на неговиот твитер-профил објави дека како и досега, Турција ќе продолжи да ја поддржува Северна Македонија во евроатлантскиот-интегративен процес.
Ратификација за македонското членство во НАТО се очекува уште од Шпанија, Холандија, Луксембург, Исланд, Италија, Франција, Обединетото Кралство и САД.
извор: МЕТА.МК
