пишува: ЏЕВДЕТ ХАЈРЕДИНИ
По сѐ изгледа дека е илузија да се ветува или да се надеваме оти РС Македонија, во состојба во која, до пред три години беше, сѐ уште е, и веројатно, подолго време ќе биде, ќе стане потенцијална локација со поповолни услови за странски директни инвестиции, ниту за прилив на капитал од некој друг извор, како што се ЕБОР, Светска Банка и слично.
Состојбата во која, за време на заедничката власт, ВМРО И ДУИ ја донесоа државата, во својот извештај прецизно ја опиша Групата на Рајнхард Прибе, задолжена од Европската Комисија.
Во овој Извештај се констатираше, меѓу другото, дека партиите на власт ја заробиле државата и дека сите органи на власта и судството ги претвориле во алатки за криминал и корупција.
Граѓаните на Македонија во ова се уверија слушајќи ги долго време тајно снимените разговори од страна на УБК, што ги објави Заев, а сега тие на ДУИ продолжува да ги објавува Ел Чека.
За жал, така како што никој не очекувал, напорите на новата влада да ја надмине наследената состојба во државата, освен што, се надеваме, ги реши споровите со двете соседни држави, независно од објективните тешкотии, и натаму, не само што не даваат резултати, туку има знаци дека земјата се движи кон нов кризен период.
Преземање на содржините e ЗАБРАНЕТО (!!!), освен со писмена дозвола од ЦИВИЛ и тоа исклучиво според Условите за користење, авторски права и заштита на приватноста. Повредата на авторските права е забранета со закон. Врз основа на договор за соработка, оваа содржина е достапна за Плусинфо и Слободен печат без ограничувања.
