ПРЕДВИДУВАЊА Еден од водечките членови на Специјалната единица за коронавирус на Белата Куќа превидува милиони инфицирани. Шпанија со нов црн рекорд со 838 смртни случаи во последните 24 часа, со што вкупниот број на починати се искачи на 6,528.
РАСТЕЖ НА СТАРТАП БИЗНИСИ Пандемијата со КОВИД-19 ги стави повеќето бизниси во застој, но некои стартап бизниси растат. Нудејќи сé, од дезинфекциски средства до образование и апликации за работа од дома, мали компании бележат голем успех.
РАКЕТНИ ТЕСТОВИ Северна Кореја лансираше два „проектила од краток дострел“, што се чини дека е четвртиот нивен ракетен тест само во месец март. Јужна Кореја остро го искритикува потегот како „несоодветен“ сред пандемијата со КОВИД-19.
ПРИВАТНОСТ Азиските земји имаат користено дигитално следење во борба против новиот коронавирус, додека Европа се потпира на социјалното дистанцирање. Владата на Германија расправа за тоа колку приватноста треба и може да биде заштитена во време на пандемија.
ЦРКВИ Со населението во Германија повикано да остане дома, духовните водичи и свештениците бараат нови начини како да допрат до редовните три милиони верници во земјата. Постарите верници кои редовна одат во црква особена имаат потреба од грижа на свештени лица.
САМОУБИСТВО Полицијата се сомнева дека Шафер починал како последица на самоубиство, откако неговото тело беше пронајдено на железничка пруга во близина на Визбаден. Тој беше министер за финансии на сојузната држава Хесе, каде што се наоѓа германскиот финансиски центар Франкфурт.
ПОКОЈНИ Полскиот класичен композитор, Кшиштоф Пендерецки почина на 86-годишна возраст. Великанот на класичната музика, Пендерецки се сметаше за најголемиот соверемен композитор на Полска. Тој е најпознат по неговото оддавање почит на жртвите од атомската бомба во Хирошима, како и по музиката што ја компонираше за филмови како филмот „Сјаење“.
