Ексгувернерот на Народната банка на Македонија, Петар Гошев, кој беше еден од учесниците на денешната дебата за граѓанско општество и социјална правда, одговори на прашањата на ЦИВИЛ Медиа – до кога актуелната власт ќе може да ја задолжува државата со милиони евра секоја недела, според денешниот пример и новите 13, 3 милиони евра долг на домашниот пазар, и колкав е всушност, јавниот долг на Република Македонија?
[youtube width=”600″ height=”400″]https://www.youtube.com/watch?v=e4uz4DrCldE[/youtube]
ЦИВИЛ Медиа: До кога власта може да продолжи со седмичното задолжување на Македонија, секој вторник, и кое е вашето мислење, дали промената на методологијата за пресметување на јавниот долг, конечно ќе даде појасна слика колку е Македонија задолжена?
ГОШЕВ: Јас подолго време зборувам на оваа тема, оваа власт не може да функционира ако не се задолжува континуирано. Така го формира своето однесување и на тој начин ги добива изборите досега, заедно со фалсификатите коишто се констатирани. Така што, во моментот кога тие би престанале да земаат кредити, тие веднаш би колабирале! Би колебирала целата државна економска структура!
Затоа тие ќе продолжат да се задолжуваат, односно, да не задолжуваат нас граѓаните, сé до оној момент, додека не ги победиме, додека не си заминат од власта. И, се надевам дека тоа нема да биде многу доцна, дека тоа ќе биде брзо, за да не произведат од Македонија – нова Грција, во поглед на јавниот долг.
Она што власта го соопштува како јавен долг, јас зборувам повеќе пати, не е целокупниот јавен долг. Тие, какви што констатиравме дека се – лажговци и манипуланти, ако ги прашате и колку е часот, ќе ве излажат! Секој ден лажат во врска со вистинскиот износ на јавниот долг, затоа ја променија дефиницијата за да изгледа помал долгот, затоа јавното претпријатие за патишта од агенција го трансформираа во јавно претпријатие, за да изгледа помалку државниот долг.
Она што го покажуваат на веб-страницата на Министерството за финансии во овој момент – околу 48 отсто од бруто домашниот производ, тоа не е целиот јавен долг. Тоа е долгот на централната Влада и на општините, и оној долг од јавните претпријатија за кои што тие издале гаранција. Но, има и долгови за кои не издале гаранција.
Но, работата е што ни таа бројка, како стеснета дефиниција не е точна, затоа што долгот на централната Влада треба да ги вклучи и сите неизмирени обврски на Владата кон приватниот сектор, што ги должат, а го надминале денот до кој што морале да ги платат. Потоа, долговите на општините не се ни со пет проценти прикажани во вистинскиот износ, така што и таа бројка не е точна. И кога зборуваат за 48 отсто долг, а многу новинари таа бројка ја дисеминираат во јавноста, што со тоа се прави: се прифаќа лагата и со тоа, исто така, се дезинформира јавноста! Затоа што, во овој момент, јавниот долг на Република Македонија не е помалку од 50, 55 проценти сигурно, ако се соберат сите компоненти според дефиницијата на Меѓународниот монетарен фонд и на Светската банка
