Најдоцна до сабота, 21 јуни, Министерството за здравство треба да достави податоци до Државната изборна комисија за здравствени работници систематизирани по општини според адресата и местото на живење, стои во ревидираниот Роковник за претстојните предвремени парламентарни избори.
Ваквото дополнување на Роковникот е според новите одлуки за гласање на 13 јули на лицата што во тој момент ќе бидат во домашен карантин или во самоизолација како позитивни лица на Ковид-19.
Според Роковникот, што се однесува до органите за спроведување на изборите, до 23 јуни треба да се формираат избирачките одбори за 13 јули, а согласно пратените податоци од Министерството за здравство, тие ќе бидат формирани од тројца здравствени работници.
Избирачки список
Она што остана според ревидираниот Роковник, а се однесува на Избирачкиот список е обврската полтичките партии најдоцна до 24 јуни да поднесат барање за запишување, дополнување или бришење на податоци. ДИК е должна во рок од 24 часа да донесе решение по нивните барања. Партиите најдоцна до 26 јуни можат да поднесат тужба по донесените решенија, а Управе суд да донесе одлука по приемот на решението најдоцна до 27 јуни.
ДИК го потпишува и заклучува Избирачкиот список најдоцна до 4 јули или 10 дена пред одржување на изборите.
Предлагање на листи за кандидати
Денеска претставници на политичките партии и коалиции на претстојните предвремени парламентарни избори на 15 јули во Државната изборна комисија (ДИК) потпишаа Кодекс за фер и демократски избори.на овие избори ќе учествуваат 15 политички партии и коалиции со свои листи на кандидати.
Она што остана како обврска во овој дел од Роковникот е правото на политичките партии секо подносител на листа на кандидати да определи претставник и негов заменик што ќе ја следат работата на изборните органи (ДИК, ОИК и ИО) од започнување на изборите па до завршување и утврдување на резултатите. Подносителот на листа на претставникот му дава овластување и ги известува изборните органи најдоцна до 12 јули.
Изборна кампања
Изборната кампања започнува во 00:00 на 24 јуни, а завршува во 00:00 на 12 јули. изборната кампања при евентуално прегласување завршува на 26 јули.
Набљудување на изборите
Сите оние што според Изборниот законик имаат право на набљудување на изборите, член 161, доставуваат барање до ДИК најдоцна до 9 јули. ДИК издава овластувања најдоцна два дена по приемот на барањето.
Б. Јордановска
