Светскиот ден на населението се одбележува секоја година на 11 јули. Главната цел на овој ден е да привлече внимание кон проблемите што произлегуваат од зголемувањето на населението низ целиот свет. Целта е да се да се потенцираат тешкотиите создадени од прекумерното население и да се подигне свеста за тоа како може да му наштети на екосистемот и напредокот на човештвото.
Оваа година, темата на Светскиот ден на населението 2021 година е „влијанието на пандемијата Ковид-19 врз плодноста“, односно влијанието на пандемијата од Ковид-19 врз сексуалното и репродуктивно здравје и репродуктивно однесување на глобално ниво. Организиран е од Одделот за население при Одделот за економски и социјални работи на Обединетите нации (ДЕСА).
Потребни се стотици илјади години за светската популација да порасне на 1 милијарда – тогаш за само уште околу 200 години, се зголеми седум пати. Во 2011 година, глобалното население достигна граница од 7 милијарди, а денес изнесува околу 7,7 милијарди и се очекува да порасне на околу 8,5 милијарди во 2030 година, 9,7 милијарди во 2050 и 10,9 милијарди во 2100 година, е пресметката на Обединетите нации.
Овој драматичен раст е придружен со големи промени во стапката на плодност, зголемување на урбанизацијата и забрзана миграција. Овие трендови ќе имаат далекусежни импликации за генерациите што доаѓаат. Покрај тоа, светот гледа бележи високо ниво на урбанизација и ја забрзува миграцијата. 2007 година беше прва година во која повеќе луѓе живееја во урбаните средини отколку во руралните области, а до 2050 година, според ОН,, околу 66 проценти од светската популација ќе живее во градовите.
Овие мегатрендови имаат далекусежни импликации. Тие влијаат на економскиот развој, вработувањето, дистрибуцијата на приходите, сиромаштијата и социјалната заштита. Тие, исто така, влијаат на напорите да се обезбеди универзален пристап до здравствена заштита, образование, домување, санитарни услови, вода, храна и енергија. За поодржливо решавање на потребите на поединците, креаторите на политиките мора да разберат колку луѓе живеат на планетата, каде се, колку години имаат и колку луѓе ќе дојдат по нив.
Во Северна Македонија, допрва ќе треба да се пребројува населението, со оглед дена пандемијата со Ковид-19 го одложи процесот. Од пописот на населението во септември се очекува оваа статистичка операција да ги понуди реалните бројки за состојбата во земјата. Како што укажаа бројни експерти, но и претставници на институции задолжени за спроведување на пописот, во серијата дебати организирани од ЦИВИЛ, пописот треба да биде статистичка операција, а не да служи за политичко профитерство. ЦИВИЛ е меѓу првите организации што се заложија да се објасни вистинската потреба и начинот на спроведување на пописот, наспроти манипулациите и политичките злоупотреби.
Пописот како статистичка операција, наспроти политичкото профитерство
