Во клучниот источен град Северодоњецк во тек се интензивни улични борби, а и украинската и руската страна веројатно ќе претрпат голем број жртви, соопшти британското Министерство за одбрана во најновиот разузнавачки извештај.
Сепак, руските сили не напредуваа на југот на градот, велат од Министерството.
Latest Defence Intelligence update on the situation in Ukraine – 11 June 2022
Find out more about the UK government's response: https://t.co/7sAMSXqHpa
🇺🇦 #StandWithUkraine 🇺🇦 pic.twitter.com/0H4JnqeYFy
— Ministry of Defence 🇬🇧 (@DefenceHQ) June 11, 2022
Во соопштението се додава дека Русија напаѓа со своите артилериски и воздушни капацитети, во обид да ја совлада украинската одбрана, јавува МИА.
„Русија најверојатно прибегнува кон такви неефикасни вооружени системи бидејќи нема попрецизни модерни ракети, додека украинската противвоздушна одбрана сè уште ги одвраќа нејзините тактички авиони да изведуваат напади низ поголемиот дел од земјата“, се вели во соопштението на британското Министерство за одбрана.
