Украинскиот претседател Володимир Зеленски денеска изјави дека разговарал со претседателката на Европска комисија, Урсула фон дер Лајен на голем број теми меѓу кои и за воведување на осми пакет санкции против Русија.
Разговаравме за распоредување на следната транша од макрофинансиската помош на Европската Унија колку е можно поскоро. Ја нагласивме потребата да се подготви осмиот пакет санкции против Русија, вклучително и забраната за издавање визи за руските граѓани, напиша Зеленски на Твитер.
Had a phone conversation with President of the European Commission @vonderleyen. Discussed the allocation of the next tranche of #EU macro-fin aid ASAP. Emphasized the need to prepare the 8th package of sanctions, including a ban on issuing visas to Russian citizens. (1/2)
— Володимир Зеленський (@ZelenskyyUa) September 4, 2022
Тој додаде дека се координирал со Лајен за следните чекори за „ограничување на дополнителниот профит на Русија од продажбата на нафта и гас“, како и за забрзаниот процес за приклучување на Украина во ЕУ.
