Истражувајќи ја локацијата на древна делта на реката, роверот „Упорност“ собрал некои од најважните примероци досега во својата мисија да утврди дали некогаш постоел живот на Марс, велат научниците на НАСА, пренесува Си-Ен-Ен.
Неколку од неодамна собраните примероци вклучуваат органска материја, што укажува на тоа дека кратерот „Језеро“, кој веројатно некогаш содржел езеро и делта што се влевала во него, имал потенцијално насели средини пред 3,5 милијарди години.
„Карпите што ги истражувавме на делтата имаат најголема концентрација на органска материја што досега сме ја пронашле во мисијата“, рече Кен Фарли, научник на проектот „Упорност“ во Калифорнискиот институт за технологија во Пасадена.
Мисијата на роверот, која започна на црвената планета пред 18 месеци, вклучува потрага по знаци на антички микробиолошки живот. Роверот „Упорност“ собра примероци од карпи кои би можеле да ги содржат овие звучни биопотписи. Во моментов, роверот има собрано 12 примероци од карпи, додека серија мисии наречени „Mars Sample Return“ треба да ја донесат колекцијата назад на Земјата во 2030 година.
Подготви: Д.Мишев
