Руските медиуми објавија дека окупираните украински територии Доњецк и Луганск ќе одржат референдуми за приклучување кон Руската Федерација од 23 до 27 септември.
Лидерот на самопрогласената „Народна Република Доњецк“, Денис Пушилин, му се обрати на рускиот претседател Владимир Путин дека „народот во Донбас заслужува да биде дел од Русија, која отсекогаш ја сметал за своја татковина. Во случај на позитивна одлука за резултатите од референдум, за што не се сомневаме, ве молиме разгледајте го прашањето за присоединување на Народната Република Доњецк кон Руската Федерација колку е можно поскоро“, се вели во пораката, објавена од РИА Новости.
Има информации дека Путин денеска ќе одржи прес-конференција за референдумите во Украина.
Михајло Подољак, советник на украинскиот претседател Володимир Зеленски, веднаш реагираше на наводите за евентуални референдуми во источниот дел на земјата.
Russians decided to respond asymmetrically to ?? counteroffensive. Thinking that illegal “referendum” will stop HIMARS and the Armed Forces from destroying occupiers on our land. Do you really want to spend the time needed to escape for a new show? Try…It will be interesting…
— Михайло Подоляк (@Podolyak_M) September 20, 2022
Русите одлучија асиметрично да одговорат на украинскиот контранапад. Тие мислат дека нелегален „референдум“ ќе ги запре HIMARS (американски повеќецевни ракетни фрлачи) и украинските вооружени сили. Дали навистина сакате да го трошите времето што ви треба за бегство на нова претстава? Обидете се, ќе биде интересно, напиша Подољак на Твитер.
Шон Вокер, новинар на Гардијан кој известува за Централна и Источна Европа, смета дека ненадејната руска најава за референдуми во окупираните територии на Украина, само ќе доведе до дополнителна ескалација на судирите во таа земја.
Тој на Твитер ја коментираше денешната изјава на поранешниот руски претседател и близок соработник на Владимир Путин, Дмитриј Медведев, кој реагирајќи на веста за референдумите напиша: „Инвазијата на руска територија е злосторство. Извршувањето такво злосторство ќе ни овозможи да употребиме се што имаме во самоодбрана“.
It seems like the referendum move is either:
1. An attempt at escalation
2. An attempt at de-escalation that will actually end up with escalation because of course nobody will recognise the annexations, especially not the Ukrainian army… https://t.co/oPajRcH5Rz— Shaun Walker (@shaunwalker7) September 20, 2022
Ми се чини дека најавата на референдуми е или обид за ескалација на конфликтот или обид за деескалација на конфликтот, кој ќе заврши како ескалација бидејќи никој нема да ги признае резултатите од референдумите, особено не украинскиот армија, објасни Вокер.
Поранешниот светски шампион во шах и жесток критичар на Кремљ, Гари Каспаров на Твитер ја коментираше руската најава за одржување референдуми во окупираните региони на Украина.
As I wrote on July 7, more illegal annexations of Ukrainian territory are Putin’s next desperate escalation. After successfully bluffing the West for so long, he hopes that calling occupied territory “Russia” will intimidate the cowards and aid the appeasers. https://t.co/BrVXXddwyl
— Garry Kasparov (@Kasparov63) September 20, 2022
Како што напишав на 7 јули, натамошните нелегални анексии на украинска територија се следната очајна ескалација на Путин. Откако успешно блефираше пред Западот толку долго, тој се надева дека нарекувајќи ги окупираните територии „Русија“ ќе ги заплаши кукавиците и ќе им помогне на оние кои му се додворуваат, објави Каспаров.
