Белорускиот активист за човекови права Алес Бјалјацки, руската организација за човекови права Меморијал и украинската организација за човекови права Центар за граѓански слободи се добитници на Нобеловата награда за мир за 2022 година.
„Норвешкиот Нобелов комитет одлучи да ја додели Нобеловата награда за мир за 2022 година на застапникот за човекови права Алес Бјалиатски од Белорусија, руската организација за човекови права Меморијал и украинската организација за човекови права Центар за граѓански слободи“, се вели во извештајот објавен на страницата на Нобеловата награда на Твитер.
BREAKING NEWS:
The Norwegian Nobel Committee has decided to award the 2022 #NobelPeacePrize to human rights advocate Ales Bialiatski from Belarus, the Russian human rights organisation Memorial and the Ukrainian human rights organisation Center for Civil Liberties. #NobelPrize pic.twitter.com/9YBdkJpDLU— The Nobel Prize (@NobelPrize) October 7, 2022
Наградата им е доделена „за претставување на граѓанското општество во нивните земји и заштита на основните човекови права на нивните граѓани“.
„Тие направија извонредни напори да ги документираат воените злосторства, злоупотребата на човековите права и злоупотребата на власта. Заедно тие го демонстрираат значењето на граѓанското општество за мирот и демократијата“, се вели во извештајот.
Исто така се посочува дека победниците долги години го промовираат правото да ја критикуваат Владата и да ги штитат основните права на граѓаните, се наведува во образложението на Нобеловиот комитет.
Украинскиот центар за граѓански слободи е основан во Киев на 30 мај 2007 година. „По руската инвазија на Украина во февруари 2022 година, центарот се вклучи во напорите за идентификување и документирање на воените злосторства на Русија против украинското население. Центарот игра пионерска улога барајќи одговорност од виновните за нивните злосторства“, се вели во извештајот.
