ЦИВИЛ одржува јавен настан на тема „На чија услуга е балансерот“.
На панелот се отвораат прашања во однос на балансерот при вработување на административни службеници, а во контекст на процентуалната застапеност на етничките заедници во земјава, (зло)употребата на алатката, и можни решенија како што е понатамошното функционирање, но со поинаква регулација, или отстранување на истата.
Учесници се Јетмир Асани, претседател на совет на Општина Чаир и Суад Скендери од Ромалитико.
Панелот е дел од проектот „Чекор напред кон мултикултурно општество“ кој ЦИВИЛ го спроведува во соработка со Министерството за надворешни работи и европски политики на Големото Војводство Луксембург.
-Често се случува Гостивар да биде еден од примерите за негување на мултикултурализмот, односно меѓуетничките односи се на високо ниво и се почитуваат правата на сите заедници. Можам да кажам дека тој примат Општина ГОстивар го носи од многу одамна. Во рамки на балансерот, морам да кажам дека тој ја нанесе најголемата штета првенствено за ромската заедница. „Ромалитико“ години наназад ги анализира повиците за позициите кои се отвараат за државниот и јавниот сервис. Се уште стоиме на 1,3% на застапеност, а треба минимумот да биде 2,6%. Се уште стоиме на 0,3% за разлика од останатите заедници. Ромите се уште се презастапени во јавните комунални претпријатија. Значи во јавните комунални претпријатија имате најмногу Роми, но кога зборуваме за државните органи, за јавната администрација, тогаш најмалку се застапени Ромите, изјави Суад Скендери од „Ромалитико“.
-Со развојот на сите случувања во државата, балансерот најпрво претставува математичка формула, пресликана во алгоритам кој треба да помогне на јавната и државнат администрација, односно застапеноста да биде за сите заедници. Таа формула или балансерот како целост претставува сериозен проблем запомалите етнички заедници, посебно за Ромите, само затоа што балансерот знае да направи грешки. Балансерот знае да фаворизира некои етнички заедници, балансерот знае да направи поголема штета отколку корист за заедниците, додава Скендери.
-Се наоѓаме во длабока криза на разбирањето на мултикултурализмот и во застапеноста и правичноста посебно во јавните органи. Големата идеја на балансерот беше да почуствуваме дека сме дел од државата. За да почуствуваме дека сме дел од државата и општествените текови, треба да бидеме во тие текови. Само во последните три месеци, во објавените повици за државната и јавната администрација имате пет отворени позиции за Роми, потенцира Скендери.
Во Општина Чаир балансерот не се злоупотребува
-Советот е мултиетнички. Чаир е една од најмултиетничките општини. Живееме добро, немаме проблеми. Имаме и етнички, родов, социјален баланс во општината. Можам да кажам дека Чаир е една општина каде не се злоупотребува балансерот и токму Општина Чаир треба да се земе како пример за тоа како балансерот треба да функционира, Јетмир Асани, претседател на совет на Општина Чаир.
-Но морам да кажам дека тие коишто го направиле балансерот оставиле дупки за да може да се злоупотребува, додаде Асани.
Скендери од „Ромалитико“ вели дека они имаат препораки со кои што секој квартал ќе биде проследен до одговорните институции за балансерот, како што се Министерството за политички систем, Агенцијата за правилност. Значи има сет на институции кои се директно вклучени. Препораките не се ништо сериозно поразлични од година в година, затоа што упорно истото го велиме – застапеноста при вработувањата е елемент кој треба да биде запазен.
Дамјан Варошлија
камера и монтажа: Александар Ризински
