Република Северна Македонија сама го блокира членството во Европската Унија. Бугарија е децидна – додека не се исполнат условите поставени во францускиот предлог, нема да дадеме зелено светло за првата меѓувладина конференција, која ќе го отклучи преговарачкиот процес, изјави денеска бугарската вицепремиерка Илијана Јотова пред новинарите во селото Илинденци, општина Струмјани, каде присуствуваше на 30-то издание на Фестивалот на боговите на виното.
Јотова истакна дека „процесот на преговори не може да започне додека Бугарите не бидат запишани во Уставот на Северна Македонија со јасна гаранција за почитување на нивните човекови права. Само тогаш Република Северна Македонија ќе има место во ЕУ“.
