Казахстан „дефинитивно ќе го почитува“ режимот на санкции против Русија, рече претседателот на земјата Касим-Жомарт Токаев на брифингот со новинарите по разговорите со германскиот канцелар Олаф Шолц.
Земјата нема никаква загриженост во врска со територијалните претензии од Руската Федерација, додаде тој.
BREAKING — Kazakhstan will follow the sanctions regime against Russia, President Tokayev says
The country does not have any concerns regarding territorial claims from the Russian Federation, he added. pic.twitter.com/moz5tNf5zG
— Ragıp Soylu (@ragipsoylu) September 28, 2023
Токаев, исто така, повика на брз крај на „непријателството во Украина“ и мировни преговори во согласност со Повелбата на ОН.
„Треба да престанеме со меѓусебните обвинувања и да преговараме за да најдеме опции кои ќе одговараат на двете страни“, рече тој, додавајќи дека е време за „мудра и рационална дипломатија“.
Токаев претходно денеска пристигна во Германија за да разговара со Шолц и со германскиот претседател Франк-Валтер Штајнмаер.
По неговиот состанок со Шолц, Токаев додаде дека Казахстан е подготвен да ги зголеми испораките на нафта за Германија „и да ги направи долгорочни“.
Русија користи трета страна за да ги заобиколи санкциите што западните земји против неа ги применуваат како одговор на целосната инвазија на Москва на Украина.
Некои земји реекспортираат санкционирани стоки од Запад во Русија, имено технологии за двојна употреба што Москва ги користи за производство на оружје.
ЕУ соопшти дека води активни разговори со такви трети земји за да спречи заобиколување на санкциите. Сепак, Европската комисија се закани и дека ќе ја забрани продажбата на одредени производи на овие земји доколку дипломатските напори се покажат недоволни.
Подготви: Ј. Ѓ.
