Египетската војска соопшти дека има „лесно повредени“, без да го прецизира бројот, откако израелската армија соопшти дека еден од нејзините тенкови „по грешка“ погодил египетска позиција на границата меѓу двете земји.
„За време на тековните борби во Појасот Газа во неделата, египетска контролна кула беше погодена од шрапнел од граната испукана по грешка од израелски тенк, предизвикувајќи полесни повреди на припадниците на граничните контролни сили“, изјави портпаролот на египетската армија, пренесува МИА.
„Израелската страна изрази жалење веднаш по овој ненамерен инцидент, а истрагата е во тек“, додаде тој.
Предходно денеска израелската армија соопшти дека еден нејзин тенк „по грешка“ погодил египетска позиција на границата меѓу двете земји.
„Пред извесно време, тенк на израелската армија по грешка погоди египетска позиција во близина на границата во секторот Керем Шалом“, се вели во соопштението. при што Армијата изрази жалење за инцидентот и најави отворање истрага.
