Седумдесет и пет илегални мигранти се фатени во град Ајвалик во западната турска провинција Баликесир додека се обидувале да преминат на грчкиот остров Лезбос, јави доцна синоќа државната телевизија ТРТ Хабер.
Екипите на турската крајбрежна стража почнаа операција откако забележаа сомнителна група луѓе на брегот кај Ајвалик.
Првично, лицата биле однесени во Дирекцијата на крајбрежната стража на турскиот остров Кунда, каде им била укажана хуманитарна помош.
Приведените мигранти ќе бидат предадени на Дирекцијата за управување со окружни миграции на округот Баликесир, наведува телевизијата.
