Се чини дека Кремљ започна сложена кампања за испраќање пораки со цел да се оправда пред домашната публика зошто Русија има приоритет да ја задржи иницијативата во источна Украина, наместо веднаш да ги протера украинските сили од регионот Курск, наведува тинк-тенк Институтот за проучување на војната (ISW), пренесува Укринформ.
Извори од руската влада блиски до руската претседателска администрација изјавија за локалните медиуми дека Кремљ активно се обидува да го услови руското општество да го прифати ограниченото украинско присуство во регионот Курск како „нова нормала“ и да го минимизира значењето на упадот.
Изворите истакнаа дека Кремљ ќе користи пропаганда за да ги охрабри Русите да чекаат руските сили да ги вратат овие територии по „неизбежниот“ украински пораз во источна Украина.
Руската Централна изборна комисија, сепак, одлучи да ги одложи локалните избори во седумте окрузи во областа Курск кои се погодени од украинскиот упад поради безбедносни ризици.
Експертите на ISW веруваат дека таквата долготрајна окупација на руска територија ги поткопува долгогодишните наративи на Кремљ за тоа зошто Русија е во војна. Кремљ ја оправдуваше својата војна во Украина како одбранбена војна која има за цел да го заштити рускиот суверенитет и територијален интегритет.
Според аналитичарите на ISW, опуштениот пристап на Кремљ кон временскиот аспект имплицира дека Кремљ одлучил да му даде приоритет на тактичкиот напредок во Украина наместо брзото обновување на територијалниот интегритет на Русија во Курск, а оваа очигледна одлука ги поткопува низата долгогодишни наративи за руската „црвена линии“.
Од 20 август, украинските вооружени сили имале контрола на повеќе од 1.260 квадратни километри територија и 93 градови и села во руската област Курск.
Подготви: Ј. Ѓ./ Фронтлајн
