Во јули 2024 година продажните цени на производителите на индустриски производи на домашниот пазар се повисоки за 0,1 отсто на месечно ниво и за 3,5 проценти на годишно ниво.
Според Државниот завод за статистика, во јули 2024, во споредба со јуни 2024 година, продажните цени на производителите на индустриски производи на домашниот пазар се повисоки во групата Нетрајни производи за широка потрошувачка за 0,8 отсто.
Во јули 2024, во споредба со јули 2023 година, продажните цени на производителите на индустриски производи на домашниот пазар се повисоки во групите Енергија за 11,4, Трајни производи за широка потрошувачка за 3,8 и Нетрајни производи за широка потрошувачка за шест проценти.
И додека Црногорската влада усвои нови мерки за ограничување на маржите во продавниците на големо и мало и се однесува на 66 различни производи, а според пресметката на Владата станува збор за илјада артикли, а мерките ќе важат до 31 јануари следната година, додека маржите за пет основни прехранбени производи веќе се ограничени со одлуката на Владата од јули, истовремено претседателот на Србија, Александар Вучиќ најави попусти на над 80 производи, како дел од кампањата „Подобри цени“ која ќе трае од 1 септември до 31 октомври, што според Вучиќ значи подигање на нивото на одговорност кај трговците, но и јасно покажува колку се грижат за посиромашните луѓе лесно да го пребродат овој тежок период, ако не им е лесно, барем да можат да си дозволат достоинствен живот, особено за луѓето во тие тешки месеци, септември, јануари, февруари секогаш се најтешки, со најголеми трошоци, само премиерот на Северна Македонија, Христијан Мицкоски – апелира.
Како мерка во борбата со високите цени и за подобрување на стандардот на грашаните, Мицкоски се одлучи да упати апел до трговците максимално да ги намалат маржите на производите, но истовремено истакна дека Владата нема да интервенира во цените.
Овој став премиерот го изнесе одговарајќи на новинарско прашање дали пазарната инспекција реагира на терен по реакциите на граѓаните дека во маркетите забележале зголемени цени на производите. Според премиерот, Владата освен со апел нема намера да преземе други мерки во врска со цените.
Драган Мишев
.
