Активистот Лаша Габиташвили изјави дека бил нападнат од три маскирани лица во Тбилиси, објави каналот Формула њуз на социјалната мрежа Х. Во видео изјава, Габиташвили го раскажа нападот, кој се случил додека го шетал своето куче.
Activist Lasha Gabitashviliwas assaulted and beaten by three masked men outside his home early this morning. In a video statement, Gabitashvili recounted the attack, which occurred while he was walking his dog.
“I had just come downstairs with my dog when three masked men… pic.twitter.com/ahGRaIc3Yd
— Formula NEWS | English (@FormulaGe) February 11, 2025
„Само што слегов со кучето долу ме нападнаа три маскирани лица. Има надзорни камери. Никој не може да се заплаши. Време е да се распишат нови избори и да се ослободат оние кои се неправедно затворени“, изјави тој.
„Не знам кои беа тие. Толку добро го организираа, во 9 сабајле, кога го шетав кучето, ме тепаа, многу е смешно. Го шетав моето куче, наеднаш ме нападнаа три маскирани лица. Влегов во продавница, а тие заминаа. Ќе повикам полиција, ќе опишам сè и ќе ги следам потребните процедури како што се бара“, рече тој. „Време е да се закажат нови избори и оние кои се во затвор да бидат ослободени“, додаде Габиташвили.
Габиташвили претрпе потрес на мозокот како резултат на нападот, изјавија лекарите.
Габиташвили претходно беше приведен по расправија со членовите на владејачката партија Грузиски сон во Абу Даби, откако двајцата пратеници на ГД, Иракли Заркуа и Виктор Саникидзе, го нападнаа по вербална расправија.
Нападот се придодава на зголемениот број на напади и тепања на противниците на режимот на Грузискиот сон.
Властите засега не дадоа коментар.
На 76-ти последователен ден на протести за поддршка на ЕУ, планирани се собири низ Грузија. Погледнете ја хронологијата подолу:
Драган Мишев
