Предлогот за одземање на мандатот на Никола Груевски се изгласа со пет гласа за, на комисиската седница. За следната недела е закажано гласање за предлогот за одземање на мандатот во Собрание, за што е потребно двотретинско мнозинснтво. Никола Груевски денеска се јави на својот фејсбук профил од Унгарија, каде што престојува како азилант, и си даде оставка од пратеничката функција.
“Oдлучив да се повлечам од пратеничката функција а за истото формално правно парламентот ќе го известам во наредните денови.
Им благодарам на пратениците на ВМРО-ДПМНЕ што издржаа на принципиелните позиции кои се во склад со уставот и меѓународното право и не потклекнаа на притисоците. Посебно благодарност до илјадниците граѓани кои на различни начини, преку лични контакти или преку социјалните мрежи во изминатите денови ми даваа огромна подршка и покрај сиот притисок и неправди, покрај сите лажни пропаганди и лични ризици, покажаа дека чувството за правда и правичност, отпор, неприфаќање и бунтовност пред неправдата, останува водилка на македонскиот народ и граѓани, колку и инсталиранста власт да промовира поинакви и спротивни на овие вредности“, напиша Никола Груевски на Фејсбук.
