Украинската амбасадорка во земјава, Лариса Дир, која на социјалните мрежи води своевиден дневник на случувањата во Украина за време на целосната и неиспровоцирана руска воена агресија, во пост на Х објави дека на 1212 ден од руската виојна во Украина, остварила средба со претседателката на Собраниската група за соработка со Парламентот на Украина, Иванка Василевска, при што се заблагодари на поддршката од Северна Македонија за територијалниот интегритет и суверенитетот на Украина.
Ден 1212.Благодарност до Иванка Василевска,претседателка на Групата @SobranieRSM за пријателство🇲🇰со🇺🇦,за поддршката на🇺🇦
Разговор за агресија на рф против🇺🇦,геополитичката ситуација и патот на🇺🇦и🇲🇰кон ЕУ
Ја цениме поддршката од🇲🇰за територијалниот интегритет и суверенитетот на🇺🇦 pic.twitter.com/TnwBTnsijG— Larysa Dir (@dir_larysa) June 19, 2025
Ден 1212. Благодарност до Иванка Василевска, претседателка на собраниската Група за пријателство на Северна Македонија со Украина, за поддршката на Украина. Разговор за агресија на рф против Украина, геополитичката ситуација и патот на Украина и Северна Македонија кон ЕУ. Ја цениме поддршката од Северна Македонија за територијалниот интегритет и суверенитетот на Украина, напиша амбасадорката Дир на Х.
Од Собранието на својата веб страна исто така издадоа соопштение по повод средбата помеѓу претседателката на Пратеничката група за соработка со Парламентот на Украина, Иванка Василевска со украинската амбасадорка Лариса Дир, на која беа разменети мислења за најновиот развојот на ситуацијата во однос на руската агресија и геополитичките поместувања кои се рефлектираат и на конфликтот.
Василеска ја повтори поддршката во однос на терторијалниот интегритет на Украина, по што се разговараше и за можностите за нејзина институционална реафирмација, во контекст на последните воздушни напади врз Украина, наспроти напорите за постигнување прекин на огнот.
Амбасадорката Дир, и во оваа прилика, изрази искрена благодарност . Таза поддршката што Република Северна Македонија и ја дава на Украина од почетокот на руската воена агресијаа се заблагодари и за учеството на нашата земја на неодамнешниот Самит Украина – Југоисточна Европа во Одеса, како и за формирањето на Меѓупартиската парламентарна група во Собранието на РСМ за поддршка на меѓународната Кримска платформа. Сите овие чекори и активности, како што беше речено, се од исклучително значење за украинскиот народ, кој ја брани својата независност.
Соговорничките Василевска и Дир разговараа и за евроинтеграциските процеси, во контекст на потребата од забрзување на проширувањето – во светло на геополитичките промени.
Д. Мишев
