Разликите во односите меѓу Грција и Северна Македонија околу почитувањето на Договорот од Преспа нема да се појават на Самитот на НАТО, како што и претходно и предупреди висок дипломат од Пентагон дека билатералните прашања ќе останат надвор од самитот.
Но, тоа не значи дека нема да се постави како прашање, имајќи ги предвид изјавите на официјална Атина, поточно на премиерот Мицотакис дека не се преговара за „ерга омнес“ и дека ова прашање ја загрижува Грција.
Политичкиот аналитичар Петар Арсовски за ЦИВИЛ Медиа вели дека ова не е прашање на инсистирање, бидејќи ние веќе немаме две спротивставени позиции која секоја страна може да ги интерпретира. Ние имаме потпишан договор. И во потпишаниот договор стои „ерга омнес“.
Тој вели дека тоа веќе не е прашање како ние сакаме да го толкуваме и не е прашање на интерпретација.
„Мислам дека нема да може да се избегне дискусијата на таа тема, дури и да е на маргините, но не очекувам да има некои драматични поместувања на НАТО самитот. Сепак НАТО ќе му се посвети на други работи сега. Мислам дека најмногу што може да се надеваме е Мицкоски и Мицотакис да се сретнат и да се договараат за да се сретнат повторно“, кажа Арсовски.
Понатаму, политичкиот аналитичар Петар Арсовски вели дека Самитот на НАТО се одржува во време кога алијансата се соочува со сериозни предизвици.
„Самитот на НАТО се одржува во време кога алијансата се соочува со посериозни предизвици, односно кординацијата на трошењето за безбедносната политика, нестабилности во повеќе региони во светот, и незавршени прашања на евроатлантски интеграции на Балканот, позади линијата на допир со Руската Федерација. Така што, овој самит е многу значаен во таа смисла дали ќе ја реобнови засиленоста и посветеноста на сојузниците на НАТО Алијансата или дали ќе доведе до нов период на кординирана и заедничка акција или пак ќе носи до дополнителни поделби нефунксионалности внатре и така натаму“, истакна Арсовски.
Премиерите Мицкоски и Мицотакис имаа свои набиени агенди и средби со американски официјални претставници, конгресмени, сенатори, амбасадори. Досега и двајцата премиери изразија желба за средба во Вашингтон, но досега иницијатива официјално нема ниту од грчка ниту од македонска страна.
Назми Абдурахмани
