До 30 јуни ќе бидат укинати сите антиковид мерки кои се во сила во Австрија, јави ДПА, повикувајќи се на Владата.
До крајот на јуни ќе бидат укинати сите ограничувања за заразените со коронавирус, пренесува МИА.
Во моментов, заразените со вирусот не мора да бидат во карантин, туку од нив се бара да носат маска FFP2 во затворени простории и на отворено кога се во близок контакт со други луѓе.
Сите тимови и комисии поврзани со справување со кризата со коронавирусот, според програмата на владата, ќе бидат распуштени во наредните месеци.
