Градоначалникот на Берово, Звонко Пекевски, на својот Фејсбук профил објави дека од рано утрово, од 5 часот, заедно со хеликоптер на МВР, Противпожарната територијална единица, припадници на ЈП „Македонски шуми“ – подружница Берово и голем број доброволци на терен се става пожарот над селото Митрашинци во контрола.
Тој алармира дека ситуацијата е комплицирана, но од првичните информации од пожарникарите на терен кои се во комуникација со пилотите на МВР се успева да се спречи проширувањето на огнот кон боровата шума.
Пекевски пишува дека во моментот се прави проценка дали Ер-тракторот на Дирекцијата за заштита и спасување да се вклучи во гаснењето бидејќи ефикасноста на хеликоптерот во МВР во голема мерка помага кон спречување на ширење на пожарот.
Изразувам голема благодарност кон брзата и професионална реакција на Противпожарната единица, МВР, Центарот за управување со кризи, екипите на ЈП „Македонски шуми“ и граѓаните доброволци кои со заеднички напор ќе спречат да ни се случат минатогодишните катастрофални пожари што го зафатија нашиот регион., вели градоначалникот Пекевски. Очигледно е дека системот функционира ефикасно и со посветеноста на сите вклучени луѓе ќе успееме да го локализираме пожарот.
Д.Мишев
