Државниот советник во канцеларијата на Народниот правобранител, Зоран Билбилоски, на конференцијата „Какви избори – таква иднина“ во организација на ЦИВИЛ – Центар за слобода, најави дека со големо внимание ќе ги следат претседателските избори и и локалните избори во трите општини каде ќе се одржуваат.
„Најмногу забелешки има од лицата кои во изборниот период ги обновуваат или ‘вадат’ нови лични карти, или стануваат полнолетн, во периодот по распишување на изборите или на референдумот. Ниту едно од тие лица не може да си го оствари своето гласачко право, затоа што се бришат од Избирачкиот список….
Вториот проблем е со остварувањто и заштитата на правото на глас на лицата кои издржуваат казна затвор или притвор, од кои 30 до 50 проценти немаат лични документи за идентификација и ги нема или се избришани од Избирачкиот список, па не моѓат да гласаат… Исто така, нема ефикасен правен лек за лицата кои излегуваат од затвор или притвор. ДИК им ги уважува приговорите дека им е прекршено гласачкото право, дека треба, но, не можат да гласаат, и повторно се јавува проблемот дека таква е регулативата…“
Според Билбилоски, Народниот правобранител констатира дискриминација на ранливите категории, при што се болните и лицата со попреченост.
„За поздравување е пилот-проектот на ДИК да се гласа во еден старачки дом, меѓутоа има повеќе старечки домови во државата. Не е за потценување бројката и на лицата кои наоѓаат се во геронтолошки заводи, кои не по своја вина нема да може да го остварат правото на глас“, рече Билбилоски.
„Како институција констатиравме дека имаше злоупотреба на личните податоци преку вебстраната, преку апликацијата што се користеше за проверка на Избирачкиот список, се дозволуваше, ако се пребарува по критериум на Општина да се видат имињата и презимињата на сите гласачи од цела држава, а не – само едно име и презиме како што ветуваше претходниот состав на ДИК“, рече Билбилоски.
Тoј потенцираше дека Народниот правобранител ќе ги следи претседателските избори и е отворен за пријавување на нерегуларности од граѓаните.
Дехран Муратов
Камера: Трпе Стојковски
Монтажа: Биљана Јордановска