„Бомбите“ остануваат неискористено докази ако се уважи правното мислење на Врховниот суд дека СЈО не може да покренува нови обвиненија по истекот на законскиот рок од 18 месеци.
Тоа подразбира дека СЈО може да води истраги за покренати постапки до 30 јуни 2017 година. Правното мислење на Врховниот суд го враќа предметот „Монструм“ кој СЈО го презеде од Јавното обвинителство,повторно во ЈО. Одлуката на Врховниот суд имплицира дека неважечки стануваат и сите нови обиненија на СЈО за предметите „Империја“, „Пациент“, „Моќник“, „Хармонија“, „Друмарина“, „Рентген“, „Актор“ и „Талир“.
„Талир“ како предмет за незаконско финансирање на ВМРО-ДПМНЕ и за незаконска изградба на партиското седиште, во кој се обвинети Никола Груевски, Кирил Божиновски, Миле Јанакиески, Илија Димовски, Леко Ристоски и Елизабета Чингаровска ќе предизвика проблеми на веќе донесени одлуки во судот. Чингаровска веќе ја призна винатата и доби две години условна казна. Според правното мислење на Врховниот суд, оваа обвинение илзегува дека е неважечко.
Со оглед дека ваквата одлука е донесена без дискусија, по иницијатива на Боро Тасевски и Еленко Миланов, двајцата адвокати на обвинети и осомничени во предметите на СЈО, што го остава СЈО нефункционално.
Или, како што објасни Сашо Орданоски во денешната колумна „СЈО на колена!“ (објавена на ЦИВИЛ Медиа) оваа одлука на Врховниот суд без дискусија не е донесена без претходен политички договор.
„Таквата одлука на Врховен е постигната во „содејство“ меѓу Заев, Ахмети и одредени фракции и поединци во ВМРО-ДПМНЕ (не и Мицкоски) кои имаат сложени тековни односи со овдешниот обид за воспоставување правна држава. Оваа одлука на Врховниот суд е еден од последните потези во низа со кои СЈО се фрла на колена – со две третини од обвинителското портфолио кое сега ќе стане бесмислено – за да се оствари здружениот проект за амнестирање на цела една криминална структура од бившиот режим на Груевски која учествуваше во овозможувањето на процесот за зачленување на Македонија во НАТО“, објаснува Орданоски.
Што се однесува до „бомбите“, дури и предметите да се вратат во ЈО, обвинителството нема да може да ги користи како докази туку ќе треба да се потпира на други приложеи доказни материјали. СЈО се соочува, исто така, со дилемата коа ќе завршат случаите што уште се под нивна ингеренција, со оглед на амнестираните обвинети од претседателот Ѓорѓе Иванов. И покрај тоа што оваа одлука е повлечена, таа е уште важечка бидејќи никаде не е верификувана како незакоонски акт.
Б. Ј.