„Нападот кој се случи во просторите на „Хотел Дрим“ кон мене е чист случај на напад врз медиумите и мене како новинар. Бев физички и вербално нападнат од хулиганите и поддржувачите на Алијансата на Албанците. Инаку бев повикан да го покријам настанот од претседателот на огранокот на Струга на АА, Имер Имери. Додека траеше прес-конференцијата бев удиран со клоци и тупаници, а кога заврши настанот ми се заканија да не го пријавам случајот“, објави видео изјава на Фејсбук, нападнатиот новинар Арманд Брахо, од Поградец, Република Албанија.
Нападнатиот новинар во струшката полиција пријавил физички напад на едно познато и уште неколку непознати лица.
Тој на видеото кое го објави на социјалната мрежа Фејсбук, изјави дека на крајот на настанот исто така и лидерот Зијадин Села вербално го навредил. Албанскиот новинар бара од надлежните институции да ги преземат сите мерки за да ги идентификуваат напаѓачите и да се казнат.
„Срам за Зијадин Села што има такви активисти и поддрживачи во партијата, срам за милитантите на оваа партија. Тие што ме нападнаа треба да се казнат. Од сега натаму во знак на протест нема да следам настани, прес-конференции и изјави од АА. Барам од огранокот во Струга да ги извадат бандитите пред лицето на правдата. Насилството врз мене е насилство врз слободата на говорот“, изјави нападнатиот новинар.
Засега не е утврдено кој го изврши нападот врз новинарот од Албанија.
На новинарот му била пружена лекарска помош во Здраствениот дом во Струга, а едно лице е повикано во полициска станица и со него е извршен разговор. Кон него ќе биде поднесено соодветен поднесок. Според Министерството за внатрешни работи се работи на идентификација на останатите учесници во нападот.
А.П.
Овој проект е финансиран од Европската Унија преку програмата за мали грантови „Заштита на слободата на медиумите и слободата на изразување во Западен Балкан“ спроведена од Здружението на хрватските новинари, како дел од регионалниот проект „Регионална платформа на Западен Балкан за слобода на медиумите и безбедност на новинарите”, спроведена преку партнерство на шест регионални новинарски здруженија – Здружение на независни новинари на Србија, Здружение на новинари од Босна и Херцеговина, Здружение на новинари на Хрватска, Здружение на новинари на Косово, Здружение на новинари на Македонија и Синдикатот на медиуми на Црна Гора.
Овој проект е финансиран од Европската Унија преку програмата за мали грантови „Заштита на слободата на медиумите и слободата на изразување во Западен Балкан“ спроведена од Здружението на хрватските новинари, како дел од регионалниот проект „Регионална платформа на Западен Балкан за слобода на медиумите и безбедност на новинарите”, спроведена преку партнерство на шест регионални новинарски здруженија – Здружение на независни новинари на Србија, Здружение на новинари од Босна и Херцеговина, Здружение на новинари на Хрватска, Здружение на новинари на Косово, Здружение на новинари на Македонија и Синдикатот на медиуми на Црна Гора.
