Безбедносните сили ја вратија контролата врз Конгресот во главниот град Бразилија, откако вчера беше нападнат од десничарски демонстранти, пренесува утрово Би – Би – Си.
Поддржувачите на поранешниот претседател Жаир Болсонаро вчера во насилни протести го пробија полицискиот кордон и влегоа во Конгресот и Врховниот суд, а полицијата употреби солзавец кога демонстрантите обвиткани во националното знаме ја опколија претседателската палата.
Болсонаро, кој е во САД, и кој ги загуби претседателските избори од левичарскиот ветеран Луис Инасио Лула да Силва во октомври, на Твитер ги осуди „инвазиите на јавни згради“.
Неговите поддржувачи одбиваат да прифатат дека тој ги загубил изборите и бараат воена интервенција и оставка на Лула.
Претседателот Лула, кој е на службен пат во државата Сао Паоло, ги нарече немирите во неделата „фанатични фашисти“ и вети дека напаѓачите на Конгресот ќе бидат пронајдени и казнети.
Многумина насилните протести во Бразилија ги споредија со упадот на американскиот Капитол на 6 јануари 2021 година од страна на поддржувачите на Доналд Трамп, сојузник на Болсонаро.
Светските лидери остро ги осудија демонстрациите и застанаа на страната на бразилскиот претседател.
Како одговор на неделниот напад врз Конгресот, левичарските партии ги повикуваат Бразилците да учествуваат на масовниот про – демократски митинг во Сао Паоло, најнаселениот град во земјата во понеделник.
Маршот треба да се одржи во 18:00 часот по локално време (21:00 GMT) долж авенијата Паулиста, булевар долг 2,8 километри (1,7 милји) што минува низ срцето на градот.
Во објава на својата страница на Твитер, Работничката партија на претседателот Лула ги повика Бразилците да излезат на улиците за да се спротивстават на, како што ја нарече, неделната „терористичка акција“ во Бразилија.
Nota do @ptsaopaulosp contra aos atos terroristas e antidemocráticos.
O PT capital condena a ação terrorista em Brasília neste domingo.
Exige imediata punição exemplar. Cadeia aos golpistas!
Convoca a todos a se manifestarem em Defesa da Democracia, neste dia 9/1, às 18h. pic.twitter.com/dsaH3jjTq6— PT São Paulo (@ptsaopaulosp) January 9, 2023
Гилхерме Булос, федерален заменик за Партијата на социјализмот и слободата, исто така, ги повика луѓето да присуствуваат на митингот и да се борат против „измамата“.
Подготви: Д. Мишев
