Израелските сили пресретнаа јахта што превезуваше активисти и мала количина хуманитарна помош што се обидуваше да стигне до Појасот Газа, пренесува Би-би-си.
Климатската активистка Грета Тунберг и француски пратеник се меѓу 12-те лица на бродот „Мадлин“. Тунберг вели дека се „киднапирани“
Министерството за надворешни работи на Израел го нарече бродот „селфи јахта“ што носи „помалку од еден камион помош“
Министерот за одбрана на земјата вели дека бродот е на пат кон израелското пристаниште Ашдод, каде што на активистите ќе им биде прикажано видео од нападите на Хамас од 7 октомври
Палестинското министерство за надворешни работи повика на заштита на безбедноста на активистите, а официјален претставник на ОН побара повеќе бродови да „пловат заедно“ за да донесат помош во Газа.
Д. Мишев
