По откажувањето на швајцарскиот гигант „Ганвор Груп“ од купување на меѓународниот бизнис на „Лукоил“ откако Министерството за финансии на САД сигнализираше дека не е задоволно од договорот, нарекувајќи ја компанијата руска „марионета“, Бугарија започна со спроведување мерки за преземање на рафинеријата Лукоил во Бургас.
Бугарските власти спроведуваат инспекции и безбедносни мерки во рафинеријата за нафта Бургас на рускиот нафтен гигант Лукоил за да ја зачуваат критичната инфраструктура, изјави во понеделник премиерот Росен Жељазков, додека владата се подготвува да ја преземе контролата врз локацијата, според Ројтерс.Минатата недела, Бугарија усвои законски измени што ѝ дозволуваат да ја преземе рафинеријата и да ја продаде на нов сопственик за да ја заштити фабриката од санкциите на САД.
Жељазков во понеделник изјави дека мерките, кои вклучуваат инспекции и подготовка на воената полиција, се превентивни и имаат за цел зачувување на критичната инфраструктура, вклучувајќи ја рафинеријата за нафта и други објекти, според соопштението за медиумите објавено во понеделник.
Во неделата, Советот на министри издаде соопштение во кое се вели дека државната агенција за безбедност, Министерството за внатрешни работи и Министерството за одбрана презеле дополнителни мерки за да обезбедат безбедност „во областа на Лукоил – елементи на критичната инфраструктура на територијата на Бугарија“.
„Министерството за одбрана повторно распореди систем против беспилотни летала во регионот на Бургас“, се вели во соопштението. „Се спроведува инспекција за да се потврди усогласеноста со планот и безбедносните мерки во стратешките објекти.“
Жељазков во понеделник изјави дека мерките, кои вклучуваат инспекции и подготовка на воената полиција, се превентивни и имаат за цел зачувување на критичната инфраструктура, вклучувајќи ја рафинеријата за нафта и други објекти, според соопштението за медиумите објавено во понеделник.
Во недела, Советот на министри издаде соопштение во кое се вели дека државната агенција за безбедност, Министерството за внатрешни работи и Министерството за одбрана презеле дополнителни мерки за да обезбедат безбедност „во областа на Лукоил, елементи на критичната инфраструктура на територијата на Бугарија“.
„Министерството за одбрана повторно распореди систем против беспилотни летала во регионот на Бургас“, се вели во соопштението. „Се спроведува инспекција за да се потврди усогласеноста со планот и безбедносните мерки во стратешките објекти.“
Каква ќе биде судбината на бензинските пумпи и 550 вработени во македонската подружница на Лукоил
Иако Лукоил Македонија, како подружница на Лукоил Интернешнл има ланец од бензински пумпи низ државата и околу 550 вработени, од институциите и подружницата во Северна Македонија нема никакви информации за неизвесност за иднината на работењето на Лукоил во земјава. ниту за преземање мерки во врска со ваквиот развој на настаните.
Во интерес на навремено и точно информирање на јавноста за овие прашања кои ги засегаат граѓаните во земјава во врска со новонастанатата ситуација околу откажувањето на Гунсворд груп од купување на меѓународните средства на Лукоил, каде ЛУКОИЛ Македонија е во 100% сопственост на LUKOIL International GmbH, ЦИВИЛ Медиа упати прашање до Лукоил Македонија и до Министерството за енергетика, рударство и минерални суровини какви импликации ќе има ваквата одлука врз работењето на подружницата на Лукоил во Северна Македонија, особено што во јавноста кружат информации дека „Лукоил“ има лиценца за уште 2 недели, а на бензинските пумпи на компанијата веќе не може да се врши плаќање со платежни картички.
До затворањето на овој текст, одговори сé уште не добивме, и истите ќе бидат објавени доколку пристигнат во меѓувреме.
Д. Мишев
