Најмалку четири лица се убиени во масовно пукање на детска роденденска забава во Калифорнија. Десет други лица се повредени во пукотницата во ресторан во саботата навечер, во северниот град Стоктон во државата.
Локалната полиција вели дека меѓу жртвите има и возрасни и деца. Состојбата на повредените не е потврдена, пренесува Би-би-си.
Осомничениот е сè уште на слобода, а полицијата вели дека верува оти пукањето можеби било „целно“.
Канцеларијата на шерифот на округот Сан Хоакин соопшти дека пукањето се случило кратко пред 18:00 часот по локално време и апелира до секој што има „информации, видео снимки или кој можеби бил сведок на кој било дел од инцидентот“ да се јави.
Портпаролката Хедер Брент го опиша инцидентот како „неразбирлив“, додавајќи:
„Ова е многу активна и тековна истрага, а информациите остануваат ограничени.
„Првичните индикации сугерираат дека ова може да биде целен инцидент, а истражителите ги истражуваат сите можности.“
Градоначалничката на Стоктон, Кристина Фугази, го нарече пукањето „неприфатливо“.
Калифорнија има едни од најстрогите закони за огнено оружје во САД, а во последниве години се соочува со предизвици во врска со тоа.
М. Д.
