Заменик-помошникот на американскиот државен секретар за европски и евроазиски прашања Хојт Брајан Ји поднесе оставка од функцијата, соопшти денеска Стејт департментот.
Хојт Ји, за напуштањето на функцијата ги известил неговите колеги во американското Министерство за надворешни работи.
Тој на позицијата беше назначен во 2013 година.
Според непотврдени информации, за негов наследник ќе биде назначен некогашниот шеф на мисијата на Организација за безбедност и соработка на Европа (ОБСЕ) во Босна и Херцеговина, Џонантан Мур.
Како што претходно објавивме, постојат шпекулации дека Хојт Ју ќе биде назначен за нов амбасадор на САД во Босна и Херцеговина, иако претходно се тврдеше дека тој ќе биде амбасадор во Македонија.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
Одговорноста за редакциското опремување на текстовите (наслов, наднаслов, фотографија, тагови) е на ЦИВИЛ Медиа.
