Зелен ЦИВИЛ ќе одржи регионална онлајн конференција „Дај петка за подобра иднина!“ (Give me five for a Better Future) во четврток, 29 мај, со почеток во 12 часот, на која ќе учествуваат претставници експерти и граѓански активисти од регионот. Конференцијата ќе се емитува во живо на YouTube и Фејсбук профилите на ЦИВИЛ.
Под слоганот „Дај петка!“, овој настан е посветен на подигање на јавната свест и поттикнување на дијалогот околу одржливоста и практиките за циркуларна економија. Инспиративни презентации за најдобрите практики и иновативни идеи за примената на циркуларна економија ќе ги прикажат говорниците од партнерските организации од регионот, дел од ЛогЕкс иницијативата: : The Balkan Forum (Косово), CIVIL / Green CIVIL (Северна Македонија), Build Green Group (Албанија), CENER 21(Босна и Херцеговина), како и говорници од ЦИВИЛ/Зелен ЦИВИЛ и организации од Северна Македонија.
Зелен ЦИВИЛ (Green CIVIL) – организациската единица на ЦИВИЛ – Центар за слобода – ја стартуваше Неделата на циркуларна економија со медиумски прилози со едукативни текстови и примери за бизнис модели базирани на петте основни принципи на циркуларната економија: Преиспитај, Отфрли, Намали, Повторна употреба и Рециклирај (Rethink, Refuse, Reduce, Reuse, and Recyclе).
Преносот во живо може да се следи на:
- Фејсбук страницата на ЦИВИЛ: https://www.facebook.com/civil.mk
- Јутјуб каналот на ЦИВИЛ: https://www.youtube.com/@CivilMacedonia
ЛогЕкс (LogEx) се: The Balkan Forum (Косово), CIVIL / Green CIVIL (Северна Македонија), Build Green Group (Албанија), CENER 21, COD Jajce (Босна и Херцеговина), Universum International College (Косово), Zero Waste Montenegro (Montenegro), YIHR Serbia (Србија).
Содржината е дел од проектот на ЦИВИЛ /ЗЕЛЕН Цивил „Дај петка!“ во рамки на големата регионална иницијатива за одбележување на Неделата на циркуларна економија на Западен Балкан (26 мај- 1 јуни 2025) под мотото „Од локални решенија до регионално влијание“ што го спроведува регионалната мрежа ЛогЕкс, каде ЦИВИЛ е членка, на иницијатива на угледната тинк-тенк организација Балкан Форум од Косово, а со поддршка од Rockefeller Brothers Fund од САД.
