Студентите во блокадата веќе десетти ден продолжија да ги блокираат влезовите во зградите на Радио и телевизија Србија во Белград, на улицата Таковска и на Кошутњак.
Блокадата на зградата на јавниот сервис трае од 14 април, а студентите кои постојано се пред влезот на зградата бараат да се распише нов конкурс за членови на Советот на Регулаторната управа за електронски медиуми (РЕМ).
Претседателката на Комисијата за култура и информирање на српското Собрание, Невена Ѓуриќ, за 28 април закажа седница на парламентарната комисија на која ќе биде донесена одлука за покренување на постапката за предлагање кандидати за избор на членови на Советот на РЕМ.
РТС на својата веб-страница пишува дека блокадата, за која велат дека е незаконска, ги оневозможува вработените да дојдат на нивните работни места, а поради тешките услови за работа е принудена да го прилагоди програмскиот распоред.
Студентите во блокадата протестираат со месеци барајќи одговорност за уривањето на бетонската настрешница на Железничката станица во Нови Сад на 1 ноември минатата година, при што загинаа 16 лица, пишува РСЕ.
