Знамето на Хонг Конг е дизајнирано да биде симбол на единство. Неговиот кружен дизајн на ливчиња од бел цвет, поставен видливо на светло-црвена позадина, треба да ги претставува правата и слободите гарантирани според принципот „една земја, два системи“.
Но, во изминатите 22 години откако за прв пат беше подигнато, знамето и неговиот амблем станаа цел на про-демократските активисти, вклучувајќи ги и оние кои го отворија патот кон зградата на Законодавниот совет во Хонг Конг, по неколкунеделните улични протести.
Демонстрантите го користат градскиот симбол, кој го отсликува цветот баухинија, како симболична алатка за нивните протести против контроверзниот закон за екстрадиција. Така на банерите и графитите ги насликаа ливчињата свенати, како очигледен коментар за ерозијата на суверенитетот.
На 1 јули, за време на церемонијата за подигнување на знамето за одбележување на годишнината од предавањето на територијата од Велика Британија во Кина, демонстрантите го подигнаа знамето на Хонг Конг наопаку, пред Законодавниот совет, а црната верзија, сега е редовна глетка на протестите.
Потоа, по преземањето на Законодавниот совет од страна на демонстрантите, внатре беа поставени посилни симболи. Откако со спреј ги обоија цветовите на баухинијата, над централниот подиум активистите го закачија знамето од времето на колонијалната ера во Хонг Конг заедно со знамето на Велика Британија во горниот лев агол.
Знамето на Хонг Конг официјално е во употреба од 1997 година, откако Британците ја предадоа територијата наназад во Кина, при што соодветниот амблем на цветот исто така го замени ликот на кралицата Елизабет на монетите и колонијалниот грб на пасошите и официјалните документи. Нејзината нијанса на црвена боја е истата што се употребува на кинеското знаме.
Непочитувањето на знамето од страна на активистите не е изненадувачко, со оглед на ограничената историја на дизајнот и јасните врски со Кина. Во 2016 година уметникот Кејси Вонг дизајнираше обично црно знаме наменето за протести за кое рече дека претставува избор меѓу „слободата и смртта“.
според уметникот и активистот Кејси Вонг. Во 2016 година, и повторно оваа година, Вонг произведе сопствено обичен црн знаме за употреба на протести, за кои рече дека претставува избор меѓу “слободата или смртта”.
