Државната комисија за спречување на корупцијата на втората седница го отвори постапки за утврдување на судир на интереси по службена должност, ги разгледуваше барањата за мислења доставени од разни институции во врска со претседателските избори и дискутираше за отворање предмет за злоупотреба на расределба на буџетски средства за финансирање на програма од областа на културата.
Што се однесува до постапките за судир на интереси по службена должност, ДКСК ќе поведе постапка за 18 роднини на функционери и пратеници вработени во државните институции и претпријатија.
ДКСК се повикува на член 56, став 2, од Законот за спречување на корупција и судир на интереси каде избрано, именувано или одговорно лице во јавно претпријатие и друго правно лице што располага со државен капитал е должно да ја извести Антикорупциска за секој избор, именување, вработување или унапредување на член на неговото семејство во државните институции и претпријатие и тоа во рок од десет дена.
На листата на ДКСК се наоѓаат Илјо Стојчевски и Виктор Сотјчевски, Цвтена Велевски, сопругот, синот и братот на пратеничката Мира Стојчевска, Надица Делкова, сопруга на градоначалникот на Општина Неготино Тони Делков, Хидоете Алили, сестра на министерот за култура Асаф Адеми, Кристијан Мисовски ,син на пратеникот Горан Мисовски, Фанија Костадинова, мајка на пратеникот Костадин Костадинов, Влора Бектеши, сестра на министерот за економија Крешник Бектеши, Лила Пежевска, сопруга на градоначалникот на Општина Берово Звонко Пежевски, Марија Јосифовска, сестра на пратеникот Александар Кирацовски, Стојне Ѓорѓиев, син на пратеничката Милева Ѓорѓиева, Мерсида Рамниловиќ, сопруга на пратеникот Зеќир Рамчиловиќ, Сара Александрова, ќерка на пратеничката Емилија Александрова, Цвете Станојкоска, внука на градоначалникот на Општина Прилеп Илија Јовановски и Љубислав Несторовски, сопруг на Магдалена Несторовска.
Од ДКСК велат дека имињата на списокот ги ставиле по допрен глас, односно од информации што ги добиле од медиумите.
Б. Ј.
