На денешната прес-конференција министерот за здравство Венко Филипче истакна дека во изминатите 24 часа се регистрирани 22 нови случаи на коронавирус во земјата. По градови: Скопје (15), Дебар (4), Куманово (2) и Охрид (1).
Се работи за маж на 63-годишна возраст од Дебар, кај кого дошло до нагло влошување на состојбата.
Пациентот е хоспитализиран на Клиниката за инфективни болести и фебрилни состојби на 17 март, без зголемена температура, но со наод на белите дробови и бил зависен од кислород. Во текот на ноќта нагло се влошува неговата состојба, веднаш е интубиран, ставен на респираторна машина, но во неколку часа неговата состојба дополнително се влошила и пациентот починал. Пациентот немал позната историја на коморбидитет.
Секој еден пациент може да се јави кај својот матичен лекар кај којшто ќе ги каже симптомите. Согласно податоците матичниот лекар ќе одлучи дали е потребно тесктирање или не и кој е степенот на итност. Согласно итноста матичниот лекар закажува тестирање. По што пациентите ќе бидат известени и ќе биде одлучено за понатамошниот третман“, изјави Филипче.
На денешниот состанок на Комисијата за заразни болести и Централниот кризен штаб се збрувало за зајакнување на мерките особено на оние кои се во ризична група, тоа се лицата над 65 годишна возраст и младите до 18 години кои се преносители на болеста. На седница на Владата ќе се дискутираат дополнителните мерки, истакна министерот.
„Во однос на терапијата ние ја обезбедивме целата потребна терапија за голем број пациенти која дава добри резултати во лекувањето на пациентите. Станува збор за терапија за која допрва се прават клинички студии но многу земји веќе ја ставија во функција поради добрите резултати“, вели Филипче, упатувајќи апел до граѓаните да не прават залиха на лекот и да не ја применуваат терапијата без совет од лекар.
Тој додаде дека 7 пациенти помалку од вчера е охрабрувачки но тоа не мора ништо да значи. Верува, дека мерките ќе се почитуваат се повеќе.
