На петтиот ден од протестите против францускиот предлог за почеток на пристапните преговори со ЕУ за малку беше избегнат поголем инциденти откако дојде до судир меѓу демонстрантите и помала група на граѓани кај плоштадот Скендербег.
„Нека разберат клетите ши****и“, „Ш*******и пи**и“, „Никогаш Северна само Македонија“, беа дел од скандирањата на демонстрантите кои протестираат против францускиот предлог за спорот со Бугарија.
Демонстрантите откако го минаа подвозникот пред трговскиот центар Мавровка и започнаа физичка пресметка со групата кај Скендербег при што користеа камења, стаклени шишиња и други тврди предмети Брзата реакција на полицијата ја спречи физичката пресметка. Две лица од групата кај Скендербег имаа и огнено оружје, при што еден од нив испукал неколку куршуми во воздух.
Лидерот на ВМРО-ДПМНЕ, Христијан Мицкоски објави фотографија од пукачот со тврдење дека целта му била да го убие токму него.
Полициски извори тврдат дека лицето кое имаше опужје е веќе приведен.
Дел од граѓаните донесоа транспарент „Предавници на народот“ составен од дел од пратениците кои го поддржуваат предлогот.
Демонстрантите потоа го запалија транспарентот „Предавници на народот“.
Алијансата за Албанците ги осудува насилните и вандалските дејствија за време на последните протести, особено говорот на омраза и навредите кон Албанците. Апелираме до одговорните институции да реагираат и да си ја вршат работата онака како што налага законот, да ги запрат и казнуваат овие појави и нивните автори.
„Апелираме до граѓаните воопшто да покажат претпазливост и да не паѓат на вакви провокации, а политичките актери да бидат внимателни во своите јавни изјави и да не стануваат причина за дејствија кои го загрозуваат имиџот на државата и меѓуетничките односи во земјава“, велат од АА.
Лидерот на ВМРО-ДПМНЕ, Христијан Мицкоски, вечерва ќе одржи вонредна прес-конференција во 22 часот.
