Реформата на миграциската политика е огромен чекор за Европа, изјави претседателката на Европската комисија, Урсула фон дер Лајен.
„Овој ден е навистина историски“, рече таа на прес-конференција во Брисел, поздравувајќи го фактот дека пактот за миграција конечно станува реалност.
Претходно денеска, нацрт-законот за миграција беше одобрен од Европскиот парламент. Тој беше поздравен од Берлин и Атина, а Варшава изрази несогласување.
Migration is a European challenge which must be met with a European solution
This is what the Pact on Migration & Asylum delivers.
For more secure borders.
Faster, more efficient procedures.
And more solidarity with Member States at external borders ↓ https://t.co/f075ruexex
— Ursula von der Leyen (@vonderleyen) April 10, 2024
И Германскиот канцелар Олаф Шолц го поздрави како неопходен историски чекор усвојувањето на миграциската реформа во ЕУ.
„Оваа реформа овозможува солидарност меѓу европските земји. Таа ја ограничува илегалната миграција и конечно им олеснува на земјите кои се особено погодени“, рече Шолц.
Во исто време, полскиот премиер Доналд Туск денеска изјави дека Полска нема да прифати механизам во ЕУ за преселување на имигрантите и покрај одобрувањето од Европскиот парламент за миграциската реформа во блокот.
Миграцискиот пакт усвоен претходно денеска од ЕП го реформира миграцискиот систем во Унијата со намалување на роковите на соодветните процедури за азил и зголемување на враќањето на мигрантите од Блискиот Исток и Африка на кои не им е одобрен азил во блокот.
Миграцијата повторно беше еден од водечките приоритети во дневниот ред на ЕУ.
М. П.
