Центар за граѓанска иницијатива – Прилеп, продолжува со успешна реализација на проектот „Јакнење на малцинствата и специфични групи за промовирање на партиципативна демократија на ниво на заедница II фаза“ кој е поддржан од од ifa/Zivik Федерална Канцеларија за Надворешни работи на Сојузна Република Германија.
Во рамките на овој проект ЦГИ го промовираше функционирањето на Регионалниот центар за млади. Овој центар има за цел да ја координира работата на 10 младински групи формирани во 10 средни училишта низ државата. Пред се активностите на центарот ќе бидат насочени за младите од пелагонискиот регион. Тој ќе претставува место каде младите ќе можат да ги споделат своите идеи и да развиваат иницијативи.
Овој центар за млади, пред се е за младите од вклучените училишта, за всушност младите да имаат простор да се сретнат и да дискутираат за своите проблеми и да развиваат младински политики. Всушност овој центар ќе претставува и креативен простор каде во согласност со нивните потреби, ќе се организираат различни активности како: уметнички активности, дебати, дискусии, музички активности, дускусии и активности за животна средина итн. Овој центар е сместен во просториите на Центар за граѓанска иницијатива во Прилеп на ул. Димо Наредникот бб (зграда Ерик) .
