Зелен ветер на промени дува низ германскиот политички пејзаж, покажува анкетата која во понеделникот ја стави Зелената партија над владејачката Христијанско-демократска унија (ЦДУ) на Ангела Меркел, само пет месеци пред националните избори.
Збирната анкета, објавена од „стратешките истражувања Политикс “, ги става „зелените“ во водство за прв пат од јуни 2019 година.
Партискиот пејзаж на Германија одамна се покажа како поотпорен на ненадејни пресврти од нејзините европски соседи, со ЦДУ задржувајќи го својот статус на врвна политичка моќ во земјата, додека сестринските партии во Франција или Италија паднаа во заборав.
Но, најновите анкети покажуваат дека конзервативците, кои управуваа со Германија во последните 16 години, може да бидат симнати од власта како најсилна партија во Бундестагот на 26 септември.
Христијанско-демократската Унија (ЦДУ) е единствената партија која од 72 години од постоењето на Сојузна Република Германија, канцеларијата ја држи повеќе од 57 години. Вечната премиерка на Германија, Ангела Меркел, на почетокот на годината изјави дека по завршувањето на нејзиниот мандат, таа се повлекува од политичката сцена.
Шест од десет анкети објавени во последните две недели, покажуваат предност за Зелените, кои излегоа на шестото место кога Германија последен пат излезе на гласање во 2017 година. Истражувањето објавено од анкетарот Кантар и весникот Билд ам Зонтаг во неделата им даде на Зелените во водство од три поени, односно 27%.
Тоа укажува на тоа дека кандидатката на еколошката партија, Аналена Баербок, може дури и да се најде во удобна позиција да може да избира од различни потенцијални коалициски партнери, со можни договори за поделба на власта со ЦДУ, Социјалдемократската партија (СПД) и Слободните демократи, или СПД и левичарот Дие Линке.
Штефан Мерц, директорот на анкетата Инфратест Димап, рече дека моментално изразените намери за гласање треба да останат на сила две до три недели за да докажат сигурни индикатори.
„Но, по години на многу мало движење во хиерархијата на германските политички партии, сега постои чувство дека се врши реконструкција на палубата и можеме да бидеме на прагот на историски момент“, изјави Мерц за „Гардијан“.
Нестабилноста се покажува во анкетите, бидејќи германската јавност се повеќе се свртува против владата заради долготрајно, но неефикасно полу-заклучување (локдаун) и распределбата на вакцини, што ја откри лошата состојба на дигиталните услуги и бирократија во земјата