Американскиот генерал Бен Хоџс изјави дека Германија е најпогодна земја за идната команда на НАТО за воена логистика.
НАТО работи на создавањето на две нови воени седишта, едното за неговата Атланска команда, а другото за воена логистика, кои би се активирале да се заштити Европа во случај на идни воени конфликти. На конференција во Берлин, генералот Хоџс рече дека Германија е најдобриот избор за втората команда поради нејзината местоположба и поради фактот дека таму веќе се распоредени голем број американски војници. Генералот Хоџс командува со американската војска во Европа.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.