Голем број македонски невладини организации ја обвинуваат Грција за злосторства против човештвото и геноцид врз “Македонци” од 1913 година, јавуваат грчкиот медиум „Ефимерида“.
Според „Ефимерида“, заедничката изјава на четири невладини организации за турската агенција „Анадолу“ протестите се за тековните разговори за името на Македонија и ја повикуваат Грција да ги признае злоупотребите на човековите права, како и злосторствата против човештвото, воените злосторства и геноцидот врз “македонското малцинство” од 1913 година.
Невладините организации објавиле дека прашањето за именување е измислица на грчката влада и е само продолжување и интернационализација на домашната политика од дваесет и пет години за негирање на етничкиот идентитет на македонското малцинство.
Тие побарале формирање независна истражна комисија која ќе го испитува кршењето на човековите права и злосторствата против човештвото, воените злосторства и геноцидот извршени врз Македонците во Грција од 1913.
“Грчката влада мора да се справи со своето минато и јавно да признае и да се извини за злосторствата против човештвото, воените злосторства и геноцидот што ги изврши во македонското малцинство во Грција од 1913 година”, изјавиле невладините организации.
Извештајот на Анадолу е насловен “Македонскиот народ ја обвини Грција за геноцид”, велат од „Ефимерида“.
Исто така, медиумот известува дека е потпишана заедничката декларација од Меѓународното движење за македонски човекови права, Обединетата македонска дијаспора, Светскиот македонски совет и Светскиот македонски координатор.
Во нивната декларација, издадена од нивната заедничка претставништво во Женева се вели дека народот на Македонија повеќе не може да го носи неприфатливиот товар на неправдата што ја претрпел од Грција, Обединетите нации, Европската унија и НАТО преку тековните “разговори” за името на нивната земја, започнати во 1993 година.
“Ова е прв пат во историјата на човештвото да има таков меѓународно оркестриран притисок врз цел народ за самоуништување – притисок што го вршат нациите и организациите, наводно, кулите за човекови права во 21 век”, велат невладините организации, пренесува „Ефимерида“.
Александрос Стаматиу
Специјално за ЦИВИЛ Медиа